Sastra Makassar - Aru

Aru Tubaraniya Ri Gowa
Ata……..Karaeng
Tabe’ Kipammoporang Mama’
Ridallekang Labbiritta
Riempoang Matinggita
Risa’ri Karatuanta
Inakke Minne, Karaeng
Lambara Tatassa’la’na Gowa
Nakarappekangi Sallang, Karaeng
Pangngulu Ribarugaya
Nanatepokangi Sallang
Pasorang Mattangnga Parang
Inai-Inaiannamo Sallang, Karaeng
Tamappattojengi Tojenga
Tamappiadaki Adaka
Kusalagai Sirinna
Kuisara Parallakkenna
Berangja Kunipatebba
Pangkulu Kunisoeyang
Ikatte Anging, Karaeng
Naikambe Lekok Kayu
Ammiri’ko Anging
Namarunang Lekok Kayu
Iya Sani Madidiyaji Nurunang
Ikatte Je’ne, Karaeng
Naikambe Batang Mammanyu’
Assolongko Je’ne
Namammanyu Batang Kayu
Iya Sani Sompo Bonangpi Kianyu
Ikatte Jarung, Karaeng
Naikambe Bannang Panjai
Ta’leko Jarung
Namamminawang Bannang Panjai
Iya Sani Lambusuppi Nakontu Tojeng
Makkanamamaki Mae, Karaeng
Naikambe Mappa’jari
Mannyabbu Mamaki Mae Karaeng
Naikambe Mappa’rupa
Punna Sallang Takammaya
Aruku Ri Dallekanta
Pangkai Jerakku
Tinra’ Bate Onjokku
Pauwang Ana’ Ri Boko
Pasang Ana’tanjari
Tumakkanaya, Karaeng
Natanarupai Kananna
Sikammajinne Aruku Ri Dallekanta
Dasi Nadasi Natarima Pangngaruku
Nasaba’ Alla Ta’Ala
Salama’……
Aru Tubarani
Cini – cini mami sallang karaeng
Bulaeng – bulaengna mangasa
Jangang Tani pakkurua
Bukkuru tani kadoa
Iya-iyannamo sallang karaeng
Rewa anngang na inakke
Tampa tetea ri ada
Kupolong tallu pokeku attannga parang
Kupolong appaki selekku abbangkeng romang
Iya-iyanamo sallang karaeng
Rewa anngang na inakke
Iya-iyannamo sallang karaeng
Barani yanngan na make
Sekre lipak kuruwai warakkanna Parangtambung
Sekre lipak kuruwal timboranna Bulussari
Nani cini buraknena burakneya
Tanrinna tau lolowa
Dampenna anak raraya
Tena jail kawang tana katto
Benteng tannga tana ambi
Tena todong bili tang pantamai
Kamma tommama sallang karaeng
Layang – layang nionjong attannga parang
Narikbakkang anak ratite
Nalollong anak mariang
Nampa kukana sallang karaeng
Inakke minne farina buleng – bulengna
Mangasa
Aru Bate Sala'panga ri Gowa
Sombangku
Kipammopporang mama jai dudu karaeng
Iya-iyannamo sallang ambunduki butta Gowa
Iya-iyannamo sallang lambangkai Somba Opu
Iya-iyannamo sallang lampatinompangi Barombong
Inakke sallang anngagangi sibarambang
Laku palangei sallang jarangku
Laku palangei bombang talluna Mamampang
Kamma tommama sallang buaya lamanngallea
Kamma tommama sallang mangiwang lanrabbukiya
Pantaranna takak panjeng, laukanna Lae - lae
Napintujumpa sallang ammanyu
Siallo sallang ammanyu jarangku, rawangana Samalona
Assulutompi sallang ceraka ri kakmurunna
Naku nampa ammoterang
Nampa nicini bole - bolena Mamampang
Nampa nicini passikkina moncong - moncong
Nampa nikana inakke minne atenna butta Gowa
Inakke minne parru lolonna Barombong
Inakke minne burakne tani gandaya
Inakke minne barambang bete - betea
Inakke minne pallakiya ri Bise
Aru Tubarani na Turayaya
Karaengku, pammopporang mama jai dudu
Tassampe tompa sallang karaeng
Ri monconna manggarupi, naerang anak mariyang
Nanampa kukana karaeng
Inakke minne barambang bete - beteya
Ganrang batua karaeng
Kukkuluk sallo mateya
Kapoppo toa ammakku karaeng
Kaparakang toa nenekku karaeng
Tena tau tana mukmusu atena
Tena butta tana onjo
Moncong tinggi tana ambi
Romang lantang tana soso
Passiringang tana limbang
Bilik tana pantamai
Punna sa'ramo allowa
Rilebba lantang banngiya
Tena tau tana lekkere atenna
Comments
0 Comments

0 komentar:

Post a Comment